9 მარტს, საქართველოს უნივერსიტეტში  კონკურსის - „ტოლერანტობა თავისუფლებაა“ მონაწილეების დაჯილდოება გაიმართა.  

კონკურსის ფარგლებში მონაწილეებმა კრეატიული სურათები და ვიდეოები წარმოადგინეს.  გამარჯვებული გახდა იაკობ გოგებაშვილის სახელობის თელავის სახელმწიფო უნივერსიტეტის სტუდენტი ეკა ბოტკოველი, მეორე და მესამე ადგილის მფლობელები გახდნენ მარიამ სისაური (სკოლის მოსწავლე თიანეთიდან) და ნიკა ფოლადაშვილი (124 - ე საჯარო სკოლის მოსწავლე). თითოეულ მათგანს  გადაეცა წიგნების მაღაზია „ნოველას“ ვაუჩერი და სპეციალური პრიზები  საქართველოს უნივერსიტეტისგან.  ასევე, თითოეულ მონაწილეს გადაეცა სერთიფიკატი.

აღსანიშნავია, რომ 2015 წლის, ტოლერანტობის კვირეულის ფარგლებში საქართველოს უნივერსიტეტმა სტუდენტებისთვის და მე - 12 კლასელებისთვის მთელი საქართველოს მასშტაბით გამოაცხადა კონკურსი  - „ტოლერანტობა თავისუფლებაა“. მონაწილეებს უნდა მოეფიქრებინათ სოციალური კამპანია ტოლერანტობასთან დაკავშირებით. 

გამარჯვებული გახდა ივანე ჯავახიშვილის სახელობის თბილისის სახელმწიფო უნივერსიტეტის  სტუდენტი მარიამ ხუროშვილი, რომელსაც საქართველოს უნივერსიტეტმა გამოუყო ბიუჯეტი აღნიშნული  კამპანიის განსახორციელებლად.